Қазақстан Халық партиясы «Теңдесі жоқ кемеңгер жазушы» атты мәдени-ағартушылық акциясын аяқтады. Бұл шара қазақтың біртуар жазушысы, аудармашы, қоғам қайраткері Әбдіжәміл Нұрпейісовтің 100 жылдығына арналды. Науқанның қорытындысы ретінде Қызылорда қаласында «Теңдесі жоқ кемеңгер жазушы» атты конференция ұйымдастырылды.
Конференцияға еңбек сіңірген мәдениет қайраткерлері, профессорлар, доценттер мен университет оқытушылары, журналистер, қоғам белсенділері мен студенттер, сондай-ақ әрине, ҚХП өкілдері қатысты.
Конференция басталар алдында қатысушылар мен қонақтар үлкен кітап көрмесін және М.Қалауов атындағы өнер мектебі оқушыларының Ә.Нұрпейісов шығармаларының кейіпкерлеріне арналған үздік көркем туындыларының көрмесін тамашалады. Содан соң «Адалдықтың үлгісі» деректі фильмі көрсетілді. Конференция барысында спикерлер жазушының шығармашылық жолы мен мұрасына тоқталды. Барлық қойылымды көрермендер үлкен қызығушылықпен қабылдады.
«Ел ішінде әдебиетті «тарих айнасы» деп атайды. Әбдіжәміл Нұрпейісовтің тарихи еңбектерінен еліміздің тұрмыс-тіршілігінің қалай өзгергенін, бүгінгі тәуелсіз Қазақстанға жету үшін қандай қиын жолдан өткенімізді көреміз. Және бұл сапар әлі де жалғасуда», - деді ҚХП орталық аппараты ұйымдастыру бөлімінің басшысы Нұрдәулет Оразханов.
Оразханов қазақ классигінің шығармаларында баяндалған гуманизм мен әлеуметтік әділеттілік идеяларының бүгінгі таңда аса өзекті екеніне тоқталды. Сондай-ақ ол идеялар Қазақстан Халық партиясының идеологиясымен және тұтастай Әділетті Қазақстанды құру міндетімен үндесіп жатыр.
– Мәдени-тарихи мұрамызды сақтау үшін не істей аламыз? – деген риторикалық сұрақ қойды партия мүшесі. – Біріншіден, ұлы жазушымыз, прозаигіміз туралы бізден кейінгі ұрпаққа айту, Әбдіжәміл Нұрпейісовтің шығармалары мен гумнистік идеяларын жастар арасында кеңінен насихаттау.
«Теңдесі жоқ кемеңгер жазушы» атты іс-шараға шығармашылық зиялы қауым өкілдері, қоғам қайраткерлері және ең бастысы, жастар қатысты. Акция аясында ҚХП Қызылорда облыстық филиалы Қызылорда қаласындағы мектептер мен кітапханаларда бірқатар кітап көрмесін, Нұрпейісов шығармашылығын білуге арналған викториналар мен байқаулар және басқа да қызықты әрі танымдық іс-шаралар өткізді.
@halyk_partiyasy
