Елімізде жеке өзен жүк флоты бар ма және оның болашағы қандай? Бұл мәселені ҚР Көлік министрлігінің қатысуымен өткен Үкімет сағатында Қазақстан Халық партиясы парламенттік фракциясының жетекшісі, Мәжіліс депутаты Магеррам Магеррамов көтерді.
ҚХП бұған дейін өзен жұмысшыларының мәселесін көтеріп, тіпті жергілікті билік учаскені алып тастамақ болғанда еліміздегі кеме жөндейтін жалғыз кәсіпорынды бұзудан сақтап қалған болатын. «Ертіс өзеніндегі кеме қатынасына қатысты мәселелер бірнеше жылдан бері талқыланып келеді. Біз де осы мәселе бойынша үндеу жасаған болатынбыз. Алайда, оның даму қарқыны әлі күнге дейін көңіл көншітер емес», - деді Магеррамов.
Мәжілісмен 2024 жылы су көлігімен қандай көлемде жүк тасымалданғанын, сондай-ақ Көлік министрлігі «Зайсан-Ертіс-РФ» өзені бағытын дамыту бойынша қандай нақты қадамдар жасап жатқанын сұрады.
Көлік министрі Марат Қарабаевтың айтуынша, Ертіс арқылы жыл сайын тасымалданатын жүк мөлшері шамамен 1,5 миллион тоннаны құрайды. Оның 1/5 бөлігі, шамамен 300 мың тоннасы Ресей Федерациясына жөнелтіледі.
«Бұл негізінен инертті материалдар», - деп түсіндірді министр. – Көмірдің біраз бөлігі әлі тасымалдануда. Сондай-ақ «Зайсан-Ертіс-РФ» бағытын дамыту жұмыстары жүргізілуде. Осы мәселе бойынша министрлер деңгейінде бірқатар келіссөздер жүргізілді. Ресей тарапы бағытты толығымен қолдап отыр, ал Қытай тарапы алдымен теміржол логистикасын реттеуді ұсынды.
«Олар (Қытай тарапы - автор) қазір жүк тасымалының көлемін зерттеп жатыр», - деп түсіндірді Қарабаев. – Болжам бойынша 2,5 миллион тонна болады. Бұл мәселе бойынша келіссөздер 2025 жылдың көктеміне жоспарланған.
@halyk_partiyasy
.jpg)
