Қазақстан Республикасы
Денсаулық сақтау министрі
А. Ғ. Ғиниятқа
ДЕПУТАТТЫҚ САУАЛ
Құрметті Ажар Ғиниятқызы!Қолданыстағы Қазақстан Республикасының Халық денсаулығы және денсаулық сақтау жүйесі туралы кодексінің 90 - бабы «Алғашқы көмек» деген ұғымды реттейтіні баршаға белгілі.
Осы баптың 1- тармағында: «Алғашқы көмек – адам өміріне немесе денсаулығына кенеттен қауіп төнгенде медицина қызметкерлері келгенге дейін оның өмірін сақтап қалу үшін немесе апаттың зиянды әсерін азайту үшін қолданылатын қарапайым іс-шаралар кешені».
Алғашқы көмекті медициналық білімі жоқ, оның ішінде тиісті даярлықтан өткен адамдар уәкілетті орган айқындайтын тәртіппен көрсете алады.
Жоғарыда көрсетілген баптың ережелерін, сондай-ақ одан туындайтын «Қазақстан Республикасының азаматтарын алғашқы көмек көрсету дағдыларына оқыту қағидаларын, сондай-ақ алғашқы көмек көрсетілетін шұғыл және шұғыл жағдайлар тізбесін бекіту туралы» Қазақстан Республикасы Денсаулық сақтау министрінің 2020 жылғы 19 қазандағы № ҚР ДСМ-138/2020 бұйрығын негізге ала отырып, мынадай ақпарат беруіңізді сұраймын:
Қазақстан Республикасының азаматтарын алғашқы көмек көрсету дағдыларына үйрету үшін сертификатталған жаттықтырушыларды даярлау жөніндегі уәкілетті орган қандай жұмыс жүргізді. Бүгінге дейін қай қалада, қанша жаттықтырушы даярланды?
Бюджет қаражаты есебінен жүргізілетін алғашқы көмек көрсету дағдыларын оқыту шеңберінде қандай нәтижеге қол жеткізілді және оған соңғы 3 жылда бюджеттен қанша қаражат жұмсалды?
Қазақстанда алғашқы көмек көрсетуді оқытатын оқу орталықтарының саны қанша және бұйрық бекітілген сәттен бастап қазіргі кезге дейін қанша адам оқыды?
Жоғарыда көрсетілген бұйрыққа сәйкес, елімізде Қазақстан Республикасының азаматтарын алғашқы көмек көрсету дағдыларына оқыту қағидалары қабылданды. Осы қағида бойынша алғашқы көмек көрсету дағдыларын үйретуге арналған симуляциялық жабдықтардың тізбесі регламенттелген, оған басқалармен қатар оқу электродтары бар автоматты сыртқы дефибриллятор (бұдан әрі - АНД) және дефибриллятордың ырғақ симуляторы кіреді. Алайда әлеуметтік маңызы бар нысандар мен өзге де инфрақұрылым нысандарын АНД реттемейді.
Жоғарыда айтылғандардың негізінде қазіргі уақытта АНД-мен қандай нысандар, қандай көлемде жабдықталған? Сонымен қатар келесі деректерді беруіңізді сұраймыз:
Қазақстанда 2020 жылдан бастап қазіргі уақытқа дейін алғашқы көмек көрсетудің қанша жағдайы тіркелді?
Қазақстанда 2020 жылдан бастап қазіргі уақытқа дейін жүректің кенеттен тоқтауының қанша жағдайы тіркелді?
Қазақстанда 2020 жылдан бастап қазіргі уақытқа дейін жүрек-қан тамырлары ауруларының салдарынан қанша өлім тіркелді?
Жедел жәрдем келгенге дейін болған адамдардың ауруханадан тыс өлімі қалай тіркеледі және есепке қалай алынады?
«Қазақстан Республикасының Парламенті және оның депутаттарының мәртебесі туралы» Қазақстан Республикасы Конституциялық заңының 27-бабына сәйкес, депутаттық сауалға заңнамада белгіленген мерзімде жазбаша жауап беруді сұраймыз.
«Қазақстан Халық партиясы» фракциясының депутаттары:
23.11. 2022 ж. жарияланды