Қазақстан Халық партиясы Жамбыл облыстық филиалының белсенділері Байзақ ауылында (Байзақ ауданы) көшпелі отырыс өткізіп, жергілікті тұрғындармен кездесті.
Іс-шара барысында ауыл тұрғындары жергілікті атқарушы органдардың жетістіктері мен кемшіліктерін тілге тиек етті.
«Байзақ кентінің негізгі көшелеріне асфальт төселгені қуантады. Мектеп пен балабақша қалпына келтірілді және спорт алаңдары пайда болды», – деп атап өтті олар.
Алайда жергілікті тұрғындарды ауылда саябақтың жоқтығы алаңдатады. Көшелердің бір бөлігі, әсіресе жол жиегі жөндеуді қажет етеді. Бұған қоса кентте әскери қоймалардағы оқ-дәрі жарылысының салдары жойылмаған.
ҚХП Жамбыл облыстық филиалының белсенділері шағымдар бойынша хат әзірлеп, оны аудан әкімдігіне жолдамақшы.
@halyk_partiyasy
