Қазақстан Халық партиясы парламенттік фракциясының жетекшісі, Мәжіліс депутаты Магеррам Магеррамов IT University-де өткен конференцияға қатысты. Шара дүниежүзілік футбол күніне байланысты ұйымдастырылды.
Конференция барысында мәжілісмен «Аула ойындарынан үлкен ареналарға: Қазақстан футболын дамытудағы прогрессивті қадамдар» тақырыбында баяндама жасады. Отандық футболды қалыптастыру, заманауи ойын инфрақұрылымын құру, балалар мен жасөспірімдерге арналған спорт мектептерін қаржыландыру, балалар мен жасөспірімдер турнирлерін өткізу бағдарламаларын жүйелі жүзеге асыру және спорттың осы түріне инвестиция тарту мәселелеріне тоқталды.
«Аула ойындарынан бастап үлкен футбол ареналарына дейінгі аралық бұл бір күндік жол емес. Бірақ аулада доп тепкен әрбір бала үлкен футбол аренасы туралы арманы орындалатынына сенуі керек. Осы жолда біздің қазақстандық клубтар мен ұлттық құраманың жеңістері оларға үлгі болғанын қалаймын», - деп атап өтті Магеррамов.
@halyk_partiyasy
