ҚР Президенті жанындағы Халықтың әлеуметтік тұрғыдан осал санаттарының құқықтары жөніндегі уәкіл Кенжеғұл Сейтжан БҰҰ Адам құқықтары жөніндегі Жоғарғы Комиссары (БҰҰ АҚЖКБ) Орталық Азия бойынша басқармасының өкілдерімен кездесті.
Кездесуде ҚР Президенті жанындағы Халықтың әлеуметтік осал санаттарының құқықтары жөніндегі уәкіл, Қазақстан Халық партиясының атынан сайланған Мәжіліс депутаты, Экология және табиғатты пайдалану комитетінің мүшесі Кенжеғұл Сейтжан өз қызметі туралы айтып берді. Атап айтқанда, жобалық кеңсе құру туралы әңгімеледі. Барлық институт сияқты кеңсенің мақсаттары мен міндеттері - халықтың әлеуметтік осал топтарының(ХӘОТ) құқықтары мен мүдделерін қорғау. Қазір жол картасының жобасы әзірленуде.
– Біз, біздің институт халықтың әлеуметтік осал топтарының мәселелерін ең жоғары деңгейге дейін жеткізіп отыру үшін құрылды, - деп атап өтті Кенжеғұл Сейтжан.
ҚР Президенті жанындағы Адам құқықтары жөніндегі омбудсмен Артур Ластаев тұтастай алғанда қазақстандық азаматтардың құқықтарын қорғау жүйесін қалыптастыру және осы институттың соңғы жылдардағы дамуы туралы қысқаша тарихи экскурс өткізді. 2024 жылы омбудсмендердің көмегіне 8 мыңға жуық адам жүгінген. Бірақ қоршаған ортаға шағымдар аз болды.
– Қазақстанда экологиялық құқықтар да іргелі адам құқығына айналады, - деп сенеді Ластаев. - Біздің офис осындай жағдайларға дайын.
БҰҰ Адам құқықтары жөніндегі Жоғарғы Комиссары басқармасының Орталық Азия өңірлік бөлімшесінің өкілі Халид Хасин, сондай-ақ консультанттар Вадим Ни мен Венера Урбаева әрбір адамның экологиялық таза, салауатты және орнықты қоршаған ортаға деген құқығы саласында атқарып отырған жұмыстары мен осы құқықты қорғау проблемалары туралы әңгімеледі.
Тараптар мүгедектікке әкелетін аурулардың өршуіне әсер ететін қолайсыз экологиялық факторларды жеке талқылады. К.Сейтжан Қазақстанның Байқоңыр, Семей, Атырау секілді және т.б. экологиялық қолайсыз аймақтарын еске салды.
– Экологиялық жағдайдың нашарлауы осындай өңірлердегі аурулардың өсуіне қатты әсер етеді, - деп атап өтті омбудсмен. - Онда мүгедек балалар туылуда.
Омбудсмен өз өкілеттігі шеңберінде Қазақстан мемлекетінің халықаралық қоғамдастықпен, соның ішінде экологиялық салада бірлескен жұмысты жалғастыруға дайын екенін жеткізді.
@halyk_partiyasy
