Қазақстан Халық партиясы «Қазақстан Инжиниринг» еңбек ұжымымен үгіт-насихат кездесуін өткізді.
Мәжіліс депутаттығына кандидат, партияның Астана қалалық филиалының төрағасы Нұрдәулет Оразханов жиналғандармен техникалық білім беру, отандық өндіруші саланы қолдау және дамыту мәселелерін талқылады.
Н.Оразханов жұмысшыларға ҚХП жаңа және тиімді өнеркәсіптік саясатты жақтайтынын айтты.
– Бізге жұмыс істейтін зауыттар мен фабрикалар керек, ЭКСПО, ЛРТ секілді ауқымды және қымбат пайдасыз жобаларды өткізуге қарсымыз, – деп атап өтті партия мүшесі. – Қазақстандық кәсіпкерлерге, шын мәнінде отандық өндірушілерге мемлекеттік қолдау қажет.
Халық партиясының пікірінше, отандық өндірісті дамыту – экономикалық, қауіпсіздік тұрғыдан стратегиялық маңызды қадам. Себебі, өнеркәсібі өркендеген мемлекет қана тәуелсіздіктің қадірін түсіне алады. Бұл
Өз тарапынан «Қазақстан инжиниринг» қызметкерлері техникалық кадрлардың: инженерлердің, техниктердің, жұмысшы мамандардың тапшылығына шағымданды. Бірақ Халық партиясында бұл мәселенің шешімі бар. Партия орта-арнайы және жоғары білімді қазақстандықтар үшін тегін және қолжетімді етуді талап етіп отыр.
– Бұл қадам көптеген дамыған елдерде табысты жүзеге асырылуда, – деп атап өтті Оразханов. – Тегін және қолжетімді білім беру кадр тапшылығын шешіп қана қоймай, қоғамдағы әлеуметтік алшақтықты азайтуға мүмкіндік береді деп санаймыз.
Сондықтан Халық партиясы мемлекет жастарға ауқымды қаражат салуы керек деп санайды. Бұл қайтарымы бар инвестиция. Ал халық неғұрлым сауатты және білімді болса, ел соғұрлым жақсы өмір сүреді.
@halyk_partiyasy
