ҚР жаңа конституциясының жобасына қатысты жалпыұлттық референдум қарсаңында Қазақстанға ЕҚЫҰ Демократиялық институттар және адам құқықтары жөніндегі (ДИАҚБ) бюросының сайлау жөніндегі департаменті директорының орынбасары Ульви Ахундлу бастаған ДИАҚБ-тың қажеттілікті бағалау жөніндегі миссиясының ресми делегациясы келді.
Қонақтар ҚР Орталық сайлау комиссиясына барды. Конституциялық Сот басшылығымен, сондай-ақ Парламент Мәжілісінің депутаттарымен кездесіп, елімізде жүргізіліп жатқан Конституциялық реформа туралы ақпарат алды.
ҚХП парламенттік фракциясының жетекшісі, Мәжілістегі Заңнама және сот-құқықтық реформалар комитетінің хатшысы, депутат Магеррам Магеррамов кездесуге қатысушыларының бірі болды.
– Біз пікір алмастық, – деді мәжілісмен. – Оларды Конституциялық комиссиядағы депутаттардың жұмысы қызықтырды. Біз толық әрі нақты жауап бердік.
Жалпыұлттық Референдум 2026 жылғы 15 наурызға белгіленген.
@halyk_partiyasy
