Қазақстан Халық партиясы мүгедектігі бар балалардың ата-аналары
жеке табыс салығын (ЖТС) төлеуден босатылуы керек деп санайды.
Қазақстан Республикасы Салық кодексінің 346-бабына сәйкес кейбір адамдар табысы 882 АЕК мөлшерінен аспаса жеке табыс салығын төлеуден босатылады. Бұл жылына 3 042 900 немесе айына 253 575 теңге. Мүгедектігі бар балалардың ата-аналары мен қамқоршылары жеңілдік жасалуы тиіс санатқа жатады.
– Табыс 3 042 900 теңгеден асқаннан кейін бірден ЖТС салынады, – деді пленарлық отырыста ҚХП фракциясының басшысы, Мәжіліс депутаты Магеррам Магеррамов. – Өкінішке қарай қандай да бір себептермен мүгедек баланың ата-анасының тағы бірнеше баласы бар екені ескерілмейді, ал олардың бір бөлігі мұндай балаларды жалғыз тәрбиелеп отырған әйелдер.
441 919 теңге аударылғанда ЖТС 8 701 теңгені құрайды, ерекше баланың ата-анасы қолына 380 187 теңге алады.
– Кейбіреулер үшін бұл ұсақ-түйек, – деді мәжілісмен. – Ал осы адамдар үшін балаларына азық-түлік немесе киім сатып алатын ақша. Мүгедектер мен мүгедек балалардың ата-аналарында жеңілдіктердің белгілі бір санаты бар, бірақ ол іс жүзінде үнемі қолданыла бермейді. – Мысалы, Нотариаттық қызметті жеңілдікпен алу құқығы бар мүгедек баланың ата-анасы көбінесе құқығын жүзеге асыра алмайды, – деді депутат. – Іс жүзінде мүгедек балалардың ата-аналары нотариаттық қызмет түрлерін алу кезінде мемлекеттік баж төлеуден босатылған.
Қазақстан Халық партиясы Үкіметке ерекше бала тәрбиелеп отырған ата-аналардан ЖТС ұстау жүйесін қайта қарауды, сондай-ақ олардың жеңілдікпен қамтамасыз етілуін қамтамасыз етуді ұсынды.
@halyk_partiyasy
