Жаңа Конституция жобасының редакциясы Конституциялық соттың рөлін едәуір күшейтеді. Бұл туралы Қазақстан Халық партиясынан сайланған Мәжіліс депутаты, ҚР Президенті жанындағы әлеуметтік осал санаттағы азаматтардың құқықтары жөніндегі уәкіл Кенжеғұл Сейтжан мәлімдеді.
Еске салайық, ҚР Конституциялық Соты – мемлекет қабылдайтын барлық заңдар мен шешімдердің Конституцияға сәйкестігін қадағалайтын тәуелсіз орган.
– Егер қандай да бір заң азаматтардың құқықтарын бұзса, оның Конституцияға сәйкестігі тексерілуі мүмкін, – деп атап өтті мәжілісмен әрі омбудсмен. – Бұл әсіресе құқықтары мемлекет тарапынан қосымша қорғауды қажет ететін әлеуметтік осал санаттағы азаматтар үшін аса маңызды.
Парламент депутаты осылайша Конституция жай ғана мәтін емес, адам құқықтарын қорғаудың нақты тетігіне айналатынын атап өтті.
– Мен Мәжіліс депутаты және әлеуметтік осал санаттағы азаматтардың құқықтары жөніндегі уәкіл ретінде мұндай өзгерістер құқықтық жүйені анағұрлым әділетті әрі адамға бағдарланған етеді деп санаймын, – деп атап өтті Кенжеғұл Сейтжан.
@halyk_partiyasy
