Интернетті реттеу қажет деп санайды Қазақстан Халық партиясының депутаттары. Мәжілістің қарауындағы «Онлайн-платформалар және онлайн-жарнама туралы» заң жобасын талқылауға ҚХП фракциясы белсенді қатысып жатыр.
Құжат онлайн-платформалардың қызметін, сондай-ақ онлайн-жарнаманың жұмыс істеуін құқықтық реттеуге бағытталған.
Онда «Онлайн платформаның пайдаланушысы» және «блогер» деген ұғымдар енгізіліп, олардың құқықтары мен міндеттері белгіленеді. Интернеттегі платформаларда жалған ақпарат таратуға және орналастыруға тыйым салу заңнамалық сипатқа ие болады. Бұдан басқа мемлекеттік тілді онлайн-платформалардың интерфейстері мен модерациясына міндетті түрде интеграциялау көзделеді.
Онлайн-платформалардың иелері үшін қате ақпаратқа және салықтан жасыруға қарсы күрес жөніндегі мемлекеттік органдармен ынтымақтастық жөніндегі міндеттеме енгізіледі. Заңсыз контент анықталған жағдайда онлайн-платформаның заңды өкіліне оны жою қажеттігі туралы хабарлама жіберіледі. Егер бұл талап орындалмаса, құзыретті органдар онлайн-платформаның қызметін шектейді. Сондай-ақ онлайн-жарнаманы таңбалау және оның кәсіпкерлік заңнамаға сәйкестігі бойынша міндеттемелер белгіленеді.
ҚХП депутаты Ирина Смирнова мұндай заңның қажеттілігі мен маңыздылығын атап өтті. Әзірге желі ішіндегі мазмұн мен өзара әрекеттесу бізде өздігінен қалыптасып жатыр.
– Түрлі, көбінесе атаусыз платформаларда сіз күтпеген ақпаратты оқи аласыз, көбінесе олар сенімді фактілермен расталмайды, – деп атап өтті мәжілісмен. – Бұл ақпарат жеке адамға да, ұйымдарға да, тіпті елге де қатысты болуы мүмкін.
Ақпараттың дұрыс я болмаса бұрыс екенін дәлелдеу өте қиын.
– Интернеттегі ақпараттандыру процесінің барлық қатысушыларының есімдерін атайтын уақыт келді: блогерлер, сондай-ақ онлайн-платформалардың артында тұрған есімдерді білу керек, – деді депутат. – Ережелерді белгілеп, жауапкершілікті анықтау қажет.
Қазақстанда интернет арқылы алаяқтық схемалар, қаржы пирамидалары және сапасыз тауар жарнамалаудың соңы қайғылы оқиғаға ұласқан мысалдар болған. Жарнама суицидті насихаттау және есірткі тарату үшін қолданылған.
– Бұған тосқауыл қоятын уақыткелді! – деді И. Смирнова. – Мен заң жобасын қолдауды ұсынамын. Мәжіліс депутаттары бұл шешіммен келісіп, заң жобасын бірінші оқылымда қабылдады.
@halyk_partiyasy
