Қазақстан Халық партиясының төрағасы Ермұхамет Ертісбаев ҚХП Абай облыстық филиалының басшысы Айдын Егеубаевпен кездесті.
Басқосу барысында филиал басшысы жыл басынан бері атқарылған істерді атады. – Сайлау науқаны кезінде 695 түрлі іс-шара ұйымдастырылды. Сайлаудан кейін де 35 қоғамдық шаралар өтті. 2 бастауыш партия ұйымы құрылды, – деді филиал төрағасы А.Егеубаев.
Айдын Қалдыбайұлының айтуынша, Халық партиясынан облыстық, қалалық және аудандық мәслихат депутатына сайланған азаматтар бүгінде белсенді. Сайланған күннен бері 5 депутаттық сауал жолдап үлгерген.
Партия филиалы соңғы айдың өзінде «Әділдік жолы» және «Ақ ұлпа аналары» қоғамдық бірлестігімен ынтымақтастық меморандумына қол қойған.
Кездесуде айтылған өзекті мәселелер – аймақ экологиясы, әкімдер сайлауы болды. Кездесу қорытындысында партияластар санын арттыру, БПҰ құру, сайлаушылармен тығыз қарым-қатынас орнату орайында бірқатар тапсырмалар да берілді.
@halyk_partiyasy
