Қазақстан Халық партиясының төрағасы Ермұхамет Ертісбаев ҚХП Алматы облыстық филиалының басшысы Төлеужан Жүндібаевпен кездесті.
Басқосу барысында филиал басшысы атқарылған істің нәтижесін тілге тиек етті, алдағы жоба-жоспарымен, өңірдегі өзекті мәселелерді атады.
– Алматы облысында жайылымдық жер, ауылішілік жолдар және ауыз су мәселесі өзекті болып отыр, – деді Т.Жүндібаев. – Біз тұрғындар талап-арыздарын қанағаттандыру мақсатында барынша еңбек етіп келеміз. Бірнеше қоғамдық қабылдаулар өткіздік. Онда ел ішіндегі бірқатар түйткілдердің түйіні тарқатылды.
Кездесуде партия төрағасы Ермұхамет Ертісбаев сайлаушылар сенімі бірінші кезекте екенін баса айтты. – Әрбір сайлаушының сенімі біз үшін маңызды. Сондықтан өзара диалог орнатып, тұрғындардың ұсыныстарын тыңдау, олардың шешілуіне үлес қосу – біздің міндет, – деді.
Басқосуда сондай-ақ, филиал жұмысын жандандыру, партияластар санын арттыру мақсатында бірқатар тапсырмалар да берілді.
@halyk_partiyasy
