Мәжіліс депутаты, Қазақстан Халық партиясының өкілі Ирина Смирнова қазақстандық компаниялардың цифрлық нарыққа жол табу барысында қандай қиындықтарға тап болатынын айтты. Алайда шенеуніктер бұл салаға қатысты мәселелерді көрмейді!
Смирнованың айтуынша, қазақстандық мамандар өз елінде тек әлемдік деңгейде мойындалғаннан кейін ғана табысқа жете алады.
– Көбіне, қазақстандықтар тек шетелде танымал болғаннан кейін ғана елімізде инновациялық немесе басқа да салаларда өз орнын табуға мүмкіндік алады, – деп қынжылды депутат.
Мәжіліс депутаты Қазақстан Республикасының Цифрлық даму, инновациялар және аэроғарыш өнеркәсібі министрі Жаслан Мәдиевтен отандық таланттар өз идеяларын жүзеге асыру үшін қайда жүгінуі керек екенін және бұл мәселемен министрлік шындап айналыса ма, жоқ па, соны нақтылауын сұрады.
Министр бұл бағытта жұмыс жүргізіліп жатқанын айтты. Оның сөзінше, Astana Hub пен министрлік жанында стартаптарды қолдау және дамыту бойынша арнайы командалар бар, сондықтан жас кәсіпкерлер соларға жүгіне алады.
– Отандық стартаптардың халықаралық нарыққа шығуы – біздің командамыздың еңбегінің нәтижесі. Өйткені біз өз желімізді, шетелдік министрліктермен байланыстарымызды пайдалана отырып, олардың алға жылжуына жағдай жасаймыз, – деді Мәдиев.
@halyk_partiyasy
.png)
.png)
