Қазақстан Халық партиясының депутаты, партияның «JAS ORTA» жастар қанатының жетекшісі Ислам Сұңқар Павлодар қаласындағы «Әділетті және Прогрессивті Қазақстанның Халықтық Конституциясы үшін!» жалпыұлттық коалициясы өкілдігінің құрамындағы жұмысын жалғастыруда. Ол денсаулық сақтау және білім беру мәселелері бойынша ақпараттық-түсіндіру кездесулеріне қатысты және «Волонтер. Заң. Тәртіп. Болашақ» форумында сөз сөйледі.
Жастар форумы Batyr Mall (ICE Arena) сауда-ойын-сауық орталығының алаңында өтті. Іс-шараға өңірдің 5 мыңнан астам белсенді әрі бастамашыл жастары жиналды. Форум «Табриз» вокалдық ансамблінің «Қазақстан» композициясымен және интерактивті бағдарламамен ашылды.
– Кездесу әрбір азаматтың ел болашағы үшін жеке жауапкершілігі бар деген идеяны түсіндіруді көздеді, – деп атап өтті ұйымдастырушылар. – Сондай-ақ қоғамның дамуындағы жастардың рөлі жайлы айтылды.
Форум тек ойын-сауық емес, пікірталас алаңы болуды мақсат тұтты. Көрермендерге «Заң және Тәртіп» қағидаттарын қолданбайтын қоғамды бейнелейтін жасанды интеллект жасаған бейнеролик ұсынылды. Форумның жеке бір бөлімі азаматтық белсенділіктің маңызды институты – волонтерлікке арналды. Саяси белсенділік пен құқықтық мәдениет мәселесіне ерекше назар аударылды. Форум аясында 15 наурызға белгіленген республикалық референдумға дейінгі кері санақтың ресми басталуы жарияланды.
Ислам Сұңқар іс-шарада спикер ретінде сөз сөйледі. Ол қатысушыларды дауыс беруге қатысуға шақырды.
– Конституцияның қоғамда талқылануының маңызы зор – деп атап өтті мәжілісмен. – Дәл осындай жан-жақты талқылау Қазақстан халқына дұрыс шешім қабылдауға мүмкіндік береді.
@halyk_partiyasy
