Еліміздің Конституциясы ресми түрде қабылданғанымен, қоғамда әлі талқыланып жатыр. Қазақстан Халық партиясынан сайланған депутат, ҚР Президенті жанындағы халықтың әлеуметтік осал санаттарының құқығы жөніндегі уәкіл Кенжеғұл Сейтжанның пікірінше, бұл жерде тек жаңа Ата заң туралы ғана емес, сонымен қатар қуатты әрі бәсекеге қабілетті Қазақстан құру жолындағы тарихи белес туралы сөз болып отыр.
– Бір нәрсені атап өткен жөн: бұл құжаттың қабылдануы реформалардың соңы емес, бастау нүктесі, – деп атап өтті мәжілісмен әрі омбудсмен. – Бұл – мемлекеттік жүйені терең әрі жан-жақты жаңғыртудың ауқымды және күрделі жолының бастауы.
К. Сейтжан жаңа Конституцияда Ұлы даланың құқықтық дәстүрі, патриотизм рухы және заманауи көзқарас табиғи түрде үйлесім тапқанын атап өтті.
– Дауыс беру басты нәрсені көрсетті: қазақстандықтар референдумға қатысуды жай формалдылық емес, жеке жауапкершілік ретінде қабылдайды, – деп нақтылады депутат. – Жастардың жоғары белсенділігі – қоғамның кемелденгенінің және ел болашағы үшін жауапкершілікті өз мойнына алуға дайын екенінің айқын белгісі.
Жаңа Конституция ең алдымен, келешек ұрпақтың игілігі үшін қабылданды. Сондықтан жастарда осы нормалардың іс жүзінде жүзеге асуына тікелей ықпал ету мүмкіндігі бар.
– Бүгінде Қазақстан өз тарихындағы ең ауқымды конституциялық реформаны жүзеге асыра отырып, саналы түрде жастарға басымдық беріп отыр, – деп түйіндеді Кенжеғұл Сейтжан. – Мен жас ұрпақ үшін Ата заң жай ғана декларативті мүмкіндік емес, нақты нәтижеге қол жеткізудің шынайы құралына айналатынына сенемін.
@halyk_partiyasy
