Қазақстандағы АЭС құрылысы бойынша жалпыхалықтық референдум қарсаңында барлық өңірде азаматтарға осы маңызды стратегиялық нысанның мақсаты мен міндеттерін түсінуге көмектесу үшін үгіт-насихат жұмыстары жүргізілуде.
Шығыс Қазақстан облысындағы Халықтық штабтың өкілі Ангела Горностаева Республикалық Халықтық штаб мүшелерімен бірге «Қазцинк» ЖШС ұжымымен кездесіп, АЭС құрылысына қатысты ақпараттық пікірталас өткізді.
– Атом электр станцияларының өзгелерінен артықшылығы айқын. Біріншіден, Қазақстанның жер қойнауы уран кен орындарына бай. Екіншіден, бүкіл прогрессивті әлем өнеркәсіпке және халыққа қажет энергияны өндіру үшін бейбіт атомды бұрыннан пайдаланып келеді. Үшіншіден, біздегі энергия тапшылығы ел экономикасының одан әрі дамуын энергия импортына тәуелді етеді, бұл қымбат әрі сенімсіз, - деп нақтылады Анжела Владимировна.
Атом электр станциясының барлық артықшылығы айтылған кездесуде қатысушылар АЭС-тің қауіпсіздігі, тиімділігі және қызмет ету мерзіміне қатысты мәселелерді талқылады.
Талқылау соңында кездесуге қатысушыларға 6 қазанда өтетін референдумға қатысудың маңызы ескертілді.
@halyk_partiyasy
