Қазақстан Халық партиясы «Теңдесі жоқ кемеңгер жазушы» акциясы аясында мәдени-танымдық шараларын жалғастыруда. Аталған акция қазақтың біртуар жазушысы Әбдіжәміл Нұрпейісовтің 100 жылдығына арналған. ҚХП Қызылорда облыстық филиалы прозаиктің туған жерінде кітап көрмелерімен қатар, көркем және әдеби шығармашылық байқаулар ұйымдастырды.
Кезекті кітап көрмесі Қызылорда қаласындағы №5 кітапханада да ұйымдастырылды. Кітапханаға келушілер классик жазушының өмірбаянымен және шығармаларымен танысты. Олардың қатарында көпке белгілі «Курляндия» романы, «Соңғы парыз» дилогиясы және «Қан мен тер» трилогиясы және тағы басқалары бар.
«Біздің іс-шараның басты мақсаты – Әбдіжәміл Нұрпейісовтің шығармалары мен гуманитарлық идеяларын оқырмандар арасында кеңінен насихаттау. Оның кітаптары Қазақстан мен ХХ ғасырдағы әлем әдебиетіне елеулі үлес қосты», - деп атап өтті ҚХП филиалының өкілдері.
@halyk_partiyasy
