Қазақстан Халық партиясының көпшілікті жұмылдырып, сенбіліктер ұйымдастыру арқылы саябақтар мен гүлбақтарды көгалдандыру және рекреациялық аймақтарды тазартуды мақсат еткен - «Таза Өлке» экологиялық акциясы жалғасуда.
Осы мақсатта, партияның Жетісу облысындағы филиалының белсенділері Талдықорған қаласының Жеңіс саябағында, Қартал өзенінің арнасында сенбілік ұйымдастырды.
– Аталған іс-шараның мақсаты - қоршаған ортаны қорғау, экологиялық жағдайды жақсарту және табиғи ресурстарды сақтау, - деп атап өтті белсенділер.
ҚХП Қостанай облыстық филиалының қызметкерлері Жастар партиялық қанатының өкілдерімен бірлесіп «Жанұя» балалар үйі мен Балаларды түзету орталығының аумағына көшеттер отырғызды.
ҚХП Ұлытау облысындағы филиалы акция аясында Жезқазған қаласындағы № 7 мектептің еріктілерімен бірлесіп «Бұлақ көрсең - көзін аш» атты экологиялық іс-шара өткізді. Белсенділер жергілікті су қоймасының жағалауын қоқыстан тазартты.
– Біз жас ұрпақты қоршаған ортаның қадірін білуге, әсіресе, су ресурстарына қамқорлықпен қарап, үнемдеп жұмсауға тәрбиелегіміз келеді, - деп атап өтті партия мүшелері. - Біздің басты мақсатымыз - өскелең жастардың бойында туған елдің ертеңіне деген асқан жауапкершілік пен азаматтық борыш сезімін қалыптастыру.
«Таза Өлке» акциясы аясында Қазақстан Халық партиясы еліміздің барлық өңірлерінде экологиялық іс-шаралар ұйымдастырады.
@halyk_partiyasy
