Цифрлық технологиялар мүгедек жандар үшін де қолжетімді болуы тиіс. Бұл туралы инновациялық қызмет саласына мемлекеттік қолдау жүйесін жетілдіру мәселелері бойынша өзгерістерді талқылау барысында Мәжіліс депутаты, Қазақстан Халық партиясының өкілі, ҚР Президенті жанындағы әлеуметтік осал топтардың құқықтары жөніндегі уәкіл Кенжеғұл Сейтжан мәлімдеді.
Пленарлық отырыста сөз сөйлеген депутат ұсынылған нормаларда мүгедектер үшін арнайы жасалған стартаптар мен технологияларға қолдау қарастырылмағанын атап өтті. Сондай-ақ, омбудсмен мүмкіндігі шектеулі адамдар үшін цифрлық технологиялардың қолжетімділігін жақсарту мәселесінде Цифрлық даму, инновациялар және аэроғарыш өнеркәсібі министрлігіме диалог орната алмай жүргеніне шағымданды.
– Сіздің жоспарыңызда мүмкіндігі шектеулі жандар үшін цифрлық технологияларды дамыту қарастырылған ба? – деп сұрады Сейтжан ҚР ЦДИАӨМ басшысы Жаслан Мәдиевтен. – Бұл мәселе көру қабілеті нашар адамдарға да, тірек-қимыл аппараты бұзылған жандарға да қатысты.
Жаслан Мәдиев бұған жауап ретінде, Астана-хабта мүмкіндігі шектеулі жандарды қолдау үшін барлық жағдай жасалғанын мәлімдеді.
– Біз әрбір жағдайды жеке қарастыруға дайынбыз. Егер нақты жобалар бойынша ұсыныстар болса, біз өз ұсынымдарымызды беруге және қажет болған жағдайда, осы өнім бағытталған нарықты қайта бағдарлауға көмектесуге дайынбыз, - деді министр.
Министр қазіргі уақытта e-Gov платформасында дауыстық технологияларды, соның ішінде жасанды интеллектті пайдалануды енгізу жұмыстары жүріп жатқанын айтты.
– Біз мүгедек жандар бастамашы болатын технологиялар мен стартаптар бойынша арнайы жұмыс жүргізетін команда құруға және бөлек диалогтық алаңды іске қосуға дайынбыз, – деп уәде берді Жаслан Мәдиев.
@halyk_partiyasy
.png)
.png)
