Қазақстан Халық партиясы бастамашылық еткен «Дара Тұлға» мәдени-ағартушылық акциясы жалғасуда. Акция аясында өңірлерде мәдениет қайраткерлері мен атақты азаматтардың қатысуымен іс-шаралар, сондай-ақ мұражай экскурсиялары, кітапханаларды аралау және т.б. жоспарланған.
ҚХП Ұлытау облыстық филиалында Абай атындағы дарынды балаларға арналған мектептің 6-сынып оқушылары самбо бойынша ҚР спорт шебері, Азия чемпионатының күміс жүлдегері Гүлмира Ахметовамен кездесті.
– Біздің міндетіміз - өскелең ұрпаққа еліміздің көрнекті тұлғалары мен елге еңбек сіңірген қайраткерлерінің өмірлік үлгісін көрсету, - деп атап өтті шараны ұйымдастырушылар. - Бұл балалардың табысқа жету жолын айқындауына көмектеседі.
ҚХП Жетісу облыстық филиалының бастамасымен Талдықорған гуманитарлық-техникалық колледжінде де спортшылармен кездесу өтті. Бұл кездесуде каратэ-киокушинкай бойынша Еуразия және Еуропа чемпионы, 2015 жылғы Әлем чемпионатының алтын медалінің иегері қазақстандық және халықаралық чемпионаттардың бірнеше дүркін жеңімпазы және жүлдегері Мерей Сүйінов, екі дүркін Азия чемпионы, Әлем чемпионатының финалисті, «Unifight» әмбебап ұрыс бойынша облыс құрамасының капитаны Жетісу Қайрат Әубәкіров және екі дүркін Азия чемпионы, «Unifight» әмбебап ұрыстан әлем чемпионы, Қазақстан чемпионы және жауынгерлік самбо бойынша Әлем кубогының жүлдегері Жанела Нәбиева құрметті қонақ болды.
– Бұл маңызды іс-шара белсенді өмір салтын, спорт пен еңбекқорлықты насихаттауға бағытталған, - деп атап өтті партия мүшелері. - Мұндай кездесулер студенттерге табысты адамдардың тәжірибесі мен жетістіктерін танып-біліп, өздерінің кәсіби дағдылары мен тұлғалық өсуін дамыту жолында шабыт сыйлайды, адам мүмкіндігінің шексіздігін ұғындырады.
«Дара Тұлға» акциясы патриоттық құндылықтарды қалыптастыруға және жастарды белсенді өмірлік ұстанымға тәрбиелеуге ықпал етеді. ҚХП іс-шаралары республиканың барлық өңірлерінде өтеді.
@halyk_partiyasy
