Жұмыс сапары барысында Қазақстан Халықтық партиясы филиалының басшысы Жетісу Олжас Ибраимов партия мүшесі, Қаратал аудандық мәслихатының депутаты Эдик Киммен бірге Ескелді ауылына барып, жергілікті тұрғындармен кездесулер өткізді.
Олжас Ибрагимов ауыл тұрғындарын ҚХП бағдарламасымен және қызметімен таныстырып, филиалдың алдағы жұмыс жоспарларына тоқталды. Осы ретте ол халықпен кері байланыстың өте маңызды екенін атап өтті. Ал тұрғындар тарапынан қонақтарға елді мекеннің ұзақ жылдар бойы шешімін таппаған жүйелі мәселелер жөнінде айтты. Мұндағы басты мәселенің бірі жайылымдық жердің жетіспеушілігі болды.
«Малымызды бағатын жер жоқ. Аумақтардың көбі жекенің қолында, ал ол жерлердің иелері мал бағуға мүмкіндік бермейді», - деп шағымданды ауыл тұрғындары.
Бұл жақта жол сапасы мәселесі де өте өзекті. Тұрғындар ауылдағы жолға асфальт төселсе деп армандайды. Себебі, жаңбыр мен қар жауғанда мұнда жүріп-тұру өте қиын, әсіресе, мектепке баратын балалар үшін.
«Демалыс орындары мен саябақтар жоқ. Балалар алаңы да біреу ғана, оның өзінде сыйымдылығы аз», - дейді ауыл тұрғындары.
Тағы бір созылмалы мәселе – суармалы судың жетіспеушілігі. Ауылдың көп бөлігінде арық жүйесі жоқ, бұл шарашылық арқылы күн көріп отырған ауыл халқы үшін бақша суаруды қиындатып отыр. Ауылдағы газдандыру тек номиналды түрде ғана бар. Магистральді газ құбыры жүргізілгенімен, ол әлі күнге дейін үйлерге қосылмаған. Бұл ретте газ қызметтері көмір мен шөп әкелетін биік жүк көліктерінің қауіпсіз өтуін қамтамасыз ету үшін қақпаның үстіне арка салу үшін 30 мыңнан 50 мың теңгеге дейін ақы төлеуді талап етеді. Бұл сома тұрғындардың басым бөлігі үшін тым қымбат. Оған қоса, мұндай талаптардың заңдылығы да күмән тудырады.
Жастар арасындағы басты мәселе – жұмыссыздық. Ауылда лайықты жалақы төлейтін жұмыс жоқ. Тұрғындардың көбі мал шаруашылығымен және егіншілікпен айналысады. Көңіл көтеру мәселесі де наразылық туғызып отыр: ауылда жаңа Мәдениет үйі мен спорт кешені салынған, алайда онда спорт секциялары мен шығармашылық ұйымдар аз.
Олжас Ибраимов ҚХП аталған мәселелерді шешуге күш салуға ниетті екенін жеткізді. Осы ретте партия жергілікті билік органдарын ауылдағы өмір сүру жағдайын жақсарту үшін қажетті шараларды қабылдауға шақыратынын атап өтті.
«Біз жергілікті жерлердегі мәселелерді тыңдап, назар аудару өте маңызды екенін түсінеміз және проблемалардың шешімін табу үшін сіздермен бірге жұмыс істеуге дайынбыз. Бірақ, оң өзгерістерге бірлесе отырып қана қол жеткізе аламыз», - деді партия өкілі.
@halyk_partiyasy
