Қазақстан Халық партиясының депутаты Кенжеғұл Сейітжан Нью-Йорк қаласында өтетін БҰҰ Мүгедектер құқықтары жөніндегі Конвенциясына қатысушы мемлекеттер конференциясының 16-сессиясына делегат болады.
Ол БҰҰ Мүгедектердің құқықтары туралы Конвенциясын орындауға байланысты мәселелерді талқылауға сонымен қатар Еңбек және халықты әлеуметтік қорғау вице-министрі Назгүл Сағындықованың БҰҰ Мүгедектердің құқықтары жөніндегі комитетінің төрағасы Гертруда Офорива-Фефоаммен ресми кездесуіне қатысады. Бұған қоса конференция аясында өткізілетін дөңгелек үстелде Қазақстанда мүгедектігі бар адамдар үшін цифрлық технологиялардың қолжетімділігі туралы баяндама жасайды.
– 10 жыл бұрын мен АҚШ-қа білім алуға бардым, – дейді Кенжеғұл Сейітжан. – АҚШ-қа не үйренгенімді және Отанымда қандай жұмыс атқарғанымды көрсетуге барамын.
ҚХП депутаты өзінің депутаттық сауалдарында Қазақстандағы цифрлық технологияларды дамыту және оны ерекше қажеттілігі бар адамдарға бейімдеу туралы бастама жасап жүр.
@halyk_partiyasy
