Қазақстан Халық партиясы қазақстандық тұтынушылар құқықтарының бұзылуына қарсы! Мәжілістің пленарлық отырысында сөйлеген сөзінде Қазақстан Халық партиясы парламенттік фракциясының жетекшісі, депутат Магеррам Магеррамов қазақстандықтардың банктер мен салондарда қалай алданатынына назар аударды.
– Бөлшек сауда дүкендерінде, сөрелердің жанында азаматтар кәсіпкерлердің тауардың құнын тұтынушының пайдасына өзгерте отырып, қолма-қол ақша төлеуді ұсынатын талаптарымен бетпе-бет келуде, - деп түсіндірді Мәжіліс депутаты. - Бұл ретте қолма-қол ақшасыз төлеу кезінде тауардың құны өседі.
Депутат тұрмыстық техника дүкендерінен сатып алынатын тауарларға кепілдік қызметін бөлек сатып алу туралы ұсыныстар айтылатынын жеткізді. Бұл кепілдіктер заңнамаға қайшы келетін қосымша ақы төлеуді көздейді. Мұндай тәжірибе Қазақстан автосалондарында да кеңінен таралған, онда автомобильдердің бағасы таңдалған төлем тәсіліне байланысты өзгеруі мүмкін. Бөліп төлеу және несие ұғымдарын ауыстыру белсенді қолданылады, бұл қарыз алушыларды шатастырады. Автонесиелеу кезінде банктер тұтынушыларды тек белгілі бір салондармен келісілген сақтандыру компанияларында ғана сақтандыру келісімшарттарын жасауға мәжбүрлейді. Ұқсас схемалар тұрғын үй сатып алу саласында да таралған, онда құрылыс салушылар банктік сыйақылардан пайда алу мақсатында жылжымайтын мүлік объектілерінің құнын көтереді.
– Жоғарыда аталған фактілердің барлығы жария шарттар туралы азаматтық заңнаманы өрескел бұзу болып табылады, - деп түйіндеді сауалдың соңында Магеррам Магеррамов. - Депутаттық сауалдың әрбір тармағы бойынша кәсіпкерлердің азаматтық заңнама талаптарын өрескел бұзуын тексеруді сұраймыз.
@halyk_partiyasy
.jpeg)
