«Қайырымдылық керуені» жалғасуда

Қазақстан Халық партиясының «Қайырымдылық керуені» («Караван добра») акциясы жалғасуда. Оның шеңберінде ҚХП облыстық филиалдары халықтың әлеуметтік осал топтарының өкілдері үшін экологиялық тазалық, білім беру, демалыс-мәдени және басқа да іс-шаралар өткізуде.

ҚХП-дан сайланған Тараз қалалық мәслихатының депутаты Қарлығаш Бибазарова «Мүгедек әйелдер» ҚБ ұжымында болып, мүгедектігі бар әйелдер жұмыс істейтін «Мен өзім» тігін цехының жұмысымен танысты. Депутат демеушілер есебінен жиналған азық-түлік жиынтықтарын табыстады. Сонымен қатар, ҚХП Жамбыл облыстық филиалы әлеуметтік осал отбасылардан шыққан балалар үшін «Премьер-Қазақстан» кинотеатрында шағын мереке ұйымдастырды.

ҚХП Батыс Қазақстан облыстық филиалының мүшелері акция аясында әлеуметтік бағыттағы «Күлкі күні» шарасын өткізді. Шара "Мейірім" облыстық мамандандырылған балалар үйі "ММ-де (Орал қ.) өтті. Филиал өкілдері балалар үйінің тәрбиеленушілеріне арбалар, балалар тағамы, электр шәйнектері және жеке гигиена құралдарынан тұратын демеушілердің сыйлықтарын табыстады.

Акция аясында ҚХП Маңғыстау облыстық филиалы көпбалалы отбасылар мен қарттар үйінің тұрғындарын «Жақсылық» мерекелік-қайырымдылық концертіне шақырды. Іс-шараға партия өкілдері, «Біз халықпыз, біз біргеміз» қоғамдық қайырымдылық қорының белсенділері, сондай-ақ қала мен облыстың балалар шығармашылық ұйымдарының басшылары қатысты.

ҚХП Алматы қалалық филиалы есту қабілеті бұзылған балаларға «Кохлеарлық имплантация» операциясынан өткен балаларға бірегей сыйлықты дайындады. Балалар Алматыға өңірлерден Ұлттық әлеуметтік қорғау саласын дамыту ғылыми орталығының медициналық-оңалту департаментінің бағдарламасы бойынша келген. Партиялықтар кішкентай бүлдіршіндер үшін кинотеатр барып, тамаша қойылым көруді ұйымдастырды.