Қазақстан Халық партиясы ерекше білім беру қажеттілігі бар балаларды, соның ішінде аутизм спектрі бұзылыстары (АСБ) бар балаларды қолдауға бағытталған бағдарламаны жүзеге асыруда. Партияның аймақтық филиалдары арнайы мекемелермен өзара ынтымақтастықты жеңілдету мақсатында өзара меморандумдарға қол қойып жатыр. Бұл жұмыс партияның «Халық аманаты» атты жалпы жобасы аясында атқарылуда.
Партия өкілдерінің айтуынша, мұндай әріптестік – мемлекеттік мекемелер мен қоғамдық ұйымдардың күшін біріктіру арқылы инклюзивті қоғам құрудың маңызын көрсетеді. Мұндай қоғамда әр бала білім мен даму тұрғысынан тең мүмкіндікке ие болуы тиіс. Мәселен, Атырау облыстық филиалы «ЖанЕркемай», «Жүректен жүрекке» және «Мейірімді Жан» қоғамдық ұйымдарымен ынтымақтастық туралы құжаттарға қол қойды.
– Тараптар аймақта ерекше қажеттілігі бар балалардың дамуы мен оңалуы үшін инклюзивті, қолайлы орта қалыптастыруға бірлесе ықпал етуді көздейді, – деді меморандумға қол қойғандар.
Ал Қызылорда облысындағы әріптестері облыстық филиал атынан арнайы қоғамдық кеңес – «Халықтық кеңес» құрып, ерекше балалармен жұмыс істейтін ұйымдармен және орталықтармен ынтымақтастық туралы меморандум жасасты. Бұл қатарда АСБ бар балаларды қолдау орталығы, Қызылорда қаласындағы №1 психологиялық-медициналық-педагогикалық кеңес, «Дара Бала» түзету-дамыту орталығы, «Розалия және Эмир» жекеменшік қоры және басқа да ұйымдар бар.
– Меморандумға қол қою – айрықша мәні бар қадам.Біз бірлескен күш-жігер арқылы ерекше қажеттілігі бар балалардың өмір сапасын арттыруда нақты әрі маңызды нәтижелерге қол жеткізе алатынымызға сенеміз, – деді рәсімге қатысушылар.
Түркістан облыстық филиалы Түркістан аумақтық арнайы әлеуметтік қызмет көрсету орталығымен келісімге келсе, Шығыс Қазақстан облыстық филиалы «Ғажайыптар елі» атты оңалту-дамыту орталығымен ынтымақтастық орнатты.
– Бұл қадам – инклюзия мен әлеуметтік әділдік мәселелерін шешуге қоғам мен саяси институттардың белсенді араласуының маңызын айғақтайды, – деп қорытындылады партия өкілдері.
@halyk_partiyasy.jpg)
.jpg)
.jpg)
.jpg)
