Қазақстан Халық партиясының парламенттік фракциясы жоғары оқу орындарында, мектептерде және басқа да білім беру мекемелерінде турникеттер орнату мәселесін тағы да көтерді. Мәжілісмендер мұндай қауіпсіздік шаралары пайдасыз, тіпті қауіпті деп санайды. Депутаттар бұл пікірді күзет қызметі туралы заң жобасы бойынша жұмыс тобы барысында айтты.
ҚХП фракциясының жетекшісі Магеррам Магеррамовтың пікірінше, турникеттер қарулы қылмыскерлердің шабуылынан, тіпті бөгде адамдардың басып кіруінен мектепті қорғай алмайды. Керісінше, төтенше жағдай туа қалған кезде кедергі жасап, қысым тудыруы мүмкін.
– Біз қазірдің өзінде бірнеше мектепте кептеліп тұрған бейнебақылауды көрдік, - деп атап өтті мәжілісмен. - Ал жер сілкінісі немесе басқа да табиғи апаттар кезінде не болатынын елестетіп көріңізші? Онда жұрт дүрлігіп сыртқа ұмтылады да шыға берісте кептеліп, бір-бірін басып, жаншып тастайды!
Бұған дейін ҚХП фракциясы осындай депутаттық сауалмен ТЖМ-ге жүгінген болатын.
– Мектептерде турникет орнатуға болмайды! - деді ол кезде ҚХП депутаттары. - Кез келген қиын жағдайда - өрт, жер сілкінісі кезінде бұл турникеттерді дер кезінде ашып үлгермейді. Ал бұл қозғалысты тоқтатып, балалар қауіпсіз жерге қашып шыға алмай қалады!
Өкінішке қарай, ведомство өкілдері қандай да бір түсініктеме берген жоқ.
– Олардың жауабы екіұшты болып тұр, - деді Магеррамов. - Егер онда қауіпті болса, онда мектептерде турникет орнатуға болмайды. Ал егер қауіп болмаса, орнатуға болады деген сияқты.
@halyk_partiyasy
