© Нацкомпании "Казатомпром"
Қазақстан атом электр станцияларын уран отынымен өзі қамтамасыз ете алады. Бұл туралы БАҚ өкілдеріне берген сұхбатында «Үлбі металлургиялық зауыты» АҚ директоры Константин Кузьмин мәлімдеді.
Кузьминнің айтуынша, компания осыған ұқсас өнімдерді бірнеше жылдан бері шығарып келеді. Көптеген жылдар бойы зауыттың ғылыми орталығының уран зертханасының мамандары әзірлеген арнайы патенттелген технологияны қолдана отырып, француздық AFA 3GТМ конструкциясының реакторлары үшін отын таблеткаларын сәтті өндіріп отыр. Бұл таблеткалар келісім-шарт бойынша Қытай Халық Республикасына экспортталады.
Директор қажет болған жағдайда «ҮМЗ» АҚ болашақ қазақстандық атом электр станцияларын отандық отынмен қамтамасыз ете алатынын атап өтті.
«Үлбі металлургиялық зауыты таблеткаларды әртүрлі реактор конструкцияларына ыңғайлап шығара алады», - деді Кузьмин.
«ҮМЗ» АҚ Қазақстанның атом өнеркәсібіндегі мүддесін қорғайтын «ҚазАтомӨнеркәсіп» ұлттық компаниясының құрамына кіреді. Кәсіпорынның әлемдік деңгейдегі өнімдерді өндіру және жеткізу бойынша 70 жылдан астам тәжірибесі бар: ядролық отын өндірісі, құрамында бериллий бар өнімдердің барлық түрлерін өндіру және тантал-ниобий шикізатын өңдеу.
Осылайша (ішкі уранның қомақты қорын ескере отырып) өзіміздің атом электр станциясын салу арқылы еліміз энергетикалық тәуелсіздік қол жеткізеді. Бұл пікірді Қазақстан Халық партиясының депутаты Ирина Смирнова да қолдап отыр.
«Бүгінде біз басқа елдерден қомақты ақшаға электр энергиясын сатып алып, сол арқылы оларға тәуелді болып отырмыз. АЭС салу бізді осы тәуелділіктен арылтады. Қазақстанға атом электр станциясы керек деген пікірді қолдаймын!», - деді депутат.
@halyk_partiyasy
