ҚР Президенті жанындағы Халықтың әлеуметтік тұрғыдан осал санаттарының құқықтары жөніндегі уәкіл, Қазақстан Халық партиясы атынан сайланған Мәжіліс депутаты Кенжеғұл Сейтжан өзінің жобалық кеңсесі қызметкерлерінің алғашқы кездесуін өткізді.
Барлық институт сияқты кеңсенің мақсаттары мен міндеттері - халықтың әлеуметтік осал топтарының құқықтары мен мүдделерін қорғау (ХӘОТ). Бірінші ресми кездесу барысында қатысушылар өз қызметінің салаларын бөліп, алдағы жоспарларды талқылады. Ал бұл жерде инклюзивті білім беру және кейіннен жұмысқа орналастыру, ана мен баланы қорғау (көпбалалы отбасылар, жалғызілікті аналар, асырап алған балалар мен мүмкіндігі шектеулі балаларды тәрбиелеп отырған отбасылар және т.б.), мүгедектігі бар адамдар үшін нысандардың қолжетімділігі, зейнеткерлер мен мамандандырылған интернаттардың тағдыры секілді көптеген мәселелер бар. Тағы бір өзекті тақырып - жетім балаларды тұрғын үймен қамтамасыз ету.
– Шын мәнінде мемлекет оларға назар аудармайды, - деп атап өтті осы салаға жауапты, «Үндемей қалма, жетім!» ҚҚ басшысы Руслан Тұрысбеков. - Нәтижесінде, балалар үйінен шыққан жасөспірімдер іс жүзінде көшеде қалады.
Кеңсенің жоспары кең. Атап айтқанда, бейінді министрліктермен және ведомстволармен, омбудсмен институттарымен, Бас прокуратурамен, ІІМ-мен және т.б. меморандумдар мен ынтымақтастық келісімдер жасау. Сондай-ақ, алқалы жиындар мен пікірталастар өткізу, заңнамалық нормаларды ілгерілету, өңірлерде әкімдіктермен кері байланыс орнату және соның нәтижесінде, ХӘОТ-ның көптен жинақталып, шешімін таппай жүрген проблемаларын шешу.
Жаңа омбудсмен институтының бірінші шешкен мәселесі су тасқынынан зардап шеккен аумақтарда қалған әлеуметтік осал азаматтар үшін «жедел желі» құру болды.
– Кеңсе өзгеріп, толықтырылып, дамитын болады, - деп атап өтті кездесу қорытындысы бойынша Кенжеғұл Сейтжан. - Мұнда барлығы волонтерлік.
@halyk_partiyasy
.jpeg)
