Қазақстан Халық партиясының ұжымы Сізді 70 жылдық мерейтойыңызбен шын жүректен құттықтайды!
Біз барлығымыз Сізді әрқашан қоғам мен мемлекеттің игілігі үшін ешқандай қиын жұмыстан аянбаған адам ретінде білеміз. Әр жылдары, әр салада Сіз маңызды миссияны атқардыңыз - заңға қызмет еттіңіз! Сіз өзіңіздің кәсібилігіңіз, принциптілігіңіз бен әрбір іске деген адалдығыңыздың арқасында Тәуелсіз Қазақстанның құқықтық жүйесін дамытуға баға жетпес ауқымды үлес қостыңыз.
Сіз Жоғарғы Сотты басқардыңыз, Еуразиялық Экономикалық Одақта Қазақстанның құқықтарын қорғай отырып, халықаралық аренада Қазақстанның мүддесін қорғадыңыз. Қазір Сіз өзіңіздің бай теориялық және практикалық тәжірибеңізді қазақстандық заңгерлердің жаңа буынына беріп, оларға заңнамалық нормаларды ғана емес, патриотизмді, кәсіпке адалдықты және өз еліңізге деген сүйіспеншілікті үйретіп отырсыз.
Қазақстан Халық партиясы Парламент Мәжілісі мен түрлі деңгейлі мәслихаттар сайлауында біздің партиямыздың партиялық тізімінде ұсынылған лайықты кандидаттардың қатарында болғаныңызды мақтан тұтады.
Сізге зор денсаулық, амандық, ұзақ ғұмыр тілейміз! Әрдайым елдің жүрегінде заңдылық пен әділдік үстемдігіне ұмтылатын табысты, беделді және құрметті адам ретінде қала беруіңізді тілейміз. Отбасыңыз бен туыстарыңыз тек жақсылықпен қуантсын. Әрбір жаңа жасыңыз Сізді кәсіби және шығармашылық табыстарға жетелеп, сарқылмас күш-қайрат берсін!
Қазақстан Халық партиясы
@halyk_partiyasy
.jpeg)
