Қазақстан Халық партиясының парламенттік фракциясы ұсынған шетелдік агенттер туралы заң жобасын әзірлеу бастамасына наразылық танытқандар әлі күнге дейін қарсыласуды тоқтатқан жоқ. Құжатқа қарсылық білдірушілер түрлі әрекетке барып, әлеуметтік желілерде жалған ақпарат таратып, қоғамды шатастыруға тырысуда.
Блогер Ардақ Бөкеева Facebook-тегі парақшасында шындыққа жанаспайтын ақпарат жариялап, шетелдік агенттер туралы заң жобасын әзірлеуге ресейлік мамандардың қатысып жатқанын мәлімдеген еді. Алайда кейінірек бұл жазбасын өшіріп тастады.
«...Бұл жұмысқа Ресейдің Әділет министрлігі қосылды. Бейресми түрде болса да, белсенді түрде кеңес беріп отыр...» – деп жазған блогер.
Мәжіліс депутаты, ҚХП өкілі Ирина Смирнова бұл мәлімдемені жоққа шығарды.
– Біріншіден, біздің партия шетелдік агенттер туралы заң жобасын әзірлеу мәселесін әлі де өзекті деп санайды. Бірақ қазіргі уақытта мұндай заң жобасы әзірленіп жатқан жоқ! Екіншіден, кез келген заңнамалық жұмыс барысында халықаралық тәжірибені зерттеу – қалыпты үрдіс. Дегенмен, Қазақстан – егемен ел, сондықтан заң шығару процесін ешбір елдің ықпалынсыз, дербес жүргізеді. Шет мемлекеттердің мемлекеттік органдары бұл жұмысқа тартылмайды! – деп нақтылады депутат.
Сондай-ақ, Ирина Смирнова жалған ақпарат тарату бойынша Қазақстан заңнамасында қылмыстық жауапкершілік қарастырылғанын еске салды.
– Сол себепті жалған мәліметтерді таратуға жол бермеуге шақырамын! – деп түйіндеді мәжіліс депутаты.
@halyk_partiyasy
.png)
.png)
