Қазақстан Халық партиясы «Дара Тұлға» акциясын өткізуді жалғастыруда. Аймақтық акция мәдени-ағартушылық сипатқа ие. Шара аясында мәдениет қайраткерлерімен, спортшылармен, ғалымдармен және басқа да танымал азаматтармен кездесулер, сондай-ақ мұражай экскурсиялары, кітапханаларға барулар, әдеби кештер және т.б. жоспарланған.
ҚХП Павлодар облыстық филиалының белсенділері жергілікті Жастар бастамаларын дамыту орталығында (ЖБДО) оқушылар мен студенттерге арналған танымдық іс-шара ұйымдастырды.
Кездесу қонақтарының арасында Инновациялық Еуразия университетінің бұрынғы ректоры, филология ғылымдарының кандидаты, Британдық кеңестің сарапшысы, Еуропалық одақтың білім беру саласындағы сарапшысы, шешендік сөз бойынша жаттықтырушы, Қазақстанның Бизнес леди қауымдастығының CEO-сы Анастасия Алиясова да болды. Жігерлі іскер әйел өзінің өмірлік жолы, еңсерген қиындықтары мен іске асырылған мүмкіндіктері туралы әңгімелеп берді.
– Жас ұрпақтың әрбір өкілі белгіленген мақсатқа жету үшін өз мүмкіндіктері мен қабілеттерін пайдалануы тиіс, - деп атап өтті Анастасия Алиясова.
Еңбек және спорт ардагері Юрий Бучельников жас ұрпаққа өмірлік тәжірибесінен ақыл-кеңес берді. 86 жастағы қария әлі күнге дейін белсенді түрде жаттығуын жалғастырып келеді. Балалық шағы соғыс жылдарына тұспа-тұс келген Бучельников жас кезінде кәсіби спортпен айналыса алмаған, есейген соң оқу оқып, жұмысқа тұрып кетті. Қазіргі таңда бұл ардагер шаңғы жарысынан Әлем кубогында Masters санатындағы әлемнің үздік спортшыларының қатарында және бірнеше рет жүлделі орындарға ие болды. 1983 жылдан бері Павлодар облысында «Бучельникова шаңғысы» жарысы өткізіліп келеді.
Қазақстан Жазушылар одағының мүшесі, ақын, «Шаңырақ» халық шығармашылығы орталығы басшысының орынбасары Айбек Оралханов жас тыңдаушыларға қандай қасиеттерді дамыту керектігі, нағыз патриот болу және мемлекеттік тілді білудің маңыздылығы туралы айтып берді.
Кездесу соңында партия мүшелері Жастар бастамаларын дамыту орталығы басшылығына кездесуді ұйымдастыруға қолдау көрсеткендері үшін алғыс білдірді.
@halyk_partiyasy
