Мәжілісте Экология және табиғи ресурстарды басқару комитетінің отырысы өтті. Сондай-ақ, отырыс барысында депутаттар Марракеш шартын ратификациялау туралы тармақты қарады.
Күн тәртібінде елорданы және республикалық маңызы бар қалаларды дамытуға қатысты нормаларға өзгерістер енгізетін заң жобалары талқыланып, қолдау тауып, бірқатар құжат ратификацияланды. Атап айтқанда, Қазақстан мен Қырғызстан арасындағы инвестицияларды ынталандыру және өзара қорғау туралы үкіметаралық келісім; Еуразиялық экономикалық одақ пен Сингапур Республикасы арасындағы ынтымақтастық туралы негіздемелік келісім; Біріккен ұлттар ұйымымен өзара түсіністік туралы меморандум және т.б. Осылардың ішінде, зағип, көру қабілеті нашар немесе басқа да мүгедектер үшін баспа басылымында жарияланған шығармаларға қол жеткізу мүмкіндігін жеңілдету туралы Марракеш шартын ратификациялау жөнінде ерекше атап өткен жөн.
«Марракеш шартын ратификациялауға қатысты соңғы заң жобасы бірауыздан мақұлданды», - деп атап өтті ҚХП депутаты, Экология және табиғи ресурстар комитетінің өкілі, Халықтың әлеуметтік жағынан осал санаттарының құқықтары жөніндегі уәкіл Кенжеғұл Сейітжан.
Аталған шарт көру және басқа да мүмкіндіктері шектеулі адамдардың әдеби және өнер туындыларын кедергісіз қолдануын жақсартуға бағытталған.
«Марракеш шартын қабылдау ерекше қажеттіліктері бар адамдардың мүмкіндіктерін кеңейтіп қана қоймай, білім мен мәдени құндылықтардың теңдей қолжетімді болуын қамтамасыз етеді», - деп түсіндірді К.Сейітжан.
Еңбек және халықты әлеуметтік қорғау министрлігінің мәліметінше, қазір Қазақстанда зағип және нашар көретін 85 мыңнан астам адам бар.
«Әріптестерім мен депутаттардың бұл заң жобасын қолдағанына өте қуаныштымын. Бұл біздің еліміздегі көру қабілеті бұзылған адамдардың өміріне оң әсер етіп, олардың білім алуына және қоғамға араласуына жаңа мүмкіндіктер ашады», - деп түйіндеді ҚХП депутаты.
@halyk_partiyasy
