Мәжіліс депутаттары «орыс тілі жөніндегі халықаралық ұйым құру туралы» келісімді қолдап дауыс берді. Құжатқа 2023 жылы Бішкекте өткен ТМД мемлекеттері басшыларының саммитінде Мемлекет басшысы Қасым-Жомарт Тоқаев қол қойған болатын.
Қазақстан Республикасының Ғылым және жоғары білім министрі Саясат Нұрбектің айтуынша, ұйымның мақсаты – орыс тілін халықаралық үкіметаралық ұйымдар мен құрылымдардың ресми немесе жұмыс тілі ретінде, сондай-ақ халықаралық қатынас тілі ретінде дамыту. Министр бұл тілдің БҰҰ-ның ресми тілдерінің бірі ретінде тіркелгенін және ТМД, ЕҚЫҰ, ҰҚШҰ, ШЫҰ және ЕАЭО іс-шараларында кеңінен қолданылатынын атап өтті. Келісімді Беларусь, Қырғызстан, Ресей Федерациясы, Тәжікстан және Өзбекстан ратификациялаған. Алдағы уақытта бұл тізім ұлғаюы мүмкін.
– Келісімде бұл құжат өз міндеттемелерін қабылдауға дайын басқа мемлекеттердің қосылуы үшін ашық екені көрсетілген, - деді ҚХП парламенттік фракциясының жетекшісі, Мәжіліс депутаты Магеррам Магеррамов.
Мәжілісмен министрден қосылу тетігі туралы толығырақ айтып беруді, сондай-ақ келісімге мұндай норманың неліктен енгізілгенін түсіндіріп беруді сұрады.**
«Бұл ұйым ашық мүшелік қағидаттары негізінде құрылады, бұл қалыпты халықаралық тәжірибе», - деп түсіндірді министр.
Сонымен қатар, Саясат Нұрбек жаңа мемлекеттердің келісімге қосылуы туралы шешімді Халықаралық орыс тілі ұйымының жоғарғы органы – министрлер конференциясы алқалы түрде қабылдайтынын айтты.
@halyk_partiyasy
