ҚР Парламенті Мәжілісінің депутаты Кенжеғұл Сейітжан метро пойызының дөңгелегі астында қаза тапқан зағип алматылық азаматтың отбасы мен жақындарына көңіл айтты. Қайғылы оқиға Абай станциясында болды. Көзі нашар көретін жолаушы вагонға жақындап, есік бар деп ойласа керек, алға шығып, перроннан рельске құлап кеткен. Құлаған адам перронға тез арада шығарылғанымен, оны аман алып қалу мүмкін болмады.
Кенжеғұл Сейітжан мүмкіндігі шектеулі жандардың құқығын қорғау бойынша белсенді жұмыс істеп жүр. Ол үшін бұл мәселе өте жақсы таныс, себебі, өзі де көру қабілетінің бұзылуына байланысты 1-топтағы мүгедек санатында. Бірнеше жыл бұрын К.Сейітжан басқа да қоғамдық бірлестік өкілдерімен бірге Алматы метросында мүмкіндігі шектеулі жандарға қолжетімділік пен кедергісіз ортаның бар-жоғын тексерген болатын.
«Метрода зағип жандарға, жүріп-тұру мүмкіндігі шектеулі адамдарға және басқа да мүмкіндігі шектеулі азаматтарға төмен түсіп, вагонға түсіп, вагонға отыруға көмектесетін қызметкерлер бар. Сосын басқа станцияда олар оны қарсы алып, оны сыртқа дейін шығарып салады», - дейді К.Сейтжан.
Ал бұл жолы неліктен бұл қызмет көрсетілмегенін енді құзырлы орган өкілдері анықтайтын болады. – Метрода адамның осылайша құлап өлуіне жол беруге болмайды! — деді Сейітжан.
Депутаттың айтуынша, мәселені арнайы шектейтін қоршаулар арқылы да шешуге болатын еді. Платформадағы мұндай тосқауылдар Токио метросында апаттар мен өз-өзіне қол жұмсау әрекеттерінің алдын алу үшін орнатылады. Бірақ мұндай қайғылы оқиғалардың алдын алатын ең басты дүние – басқалардың қамқорлығы. Сейітжан Нью-Йорк метросында ақ таяқ ұстаған жолаушыларды пойыз маңындағы шектеу сызығынан өту қаупі туралы бірнеше рет ескертілетінін, жол табуға көмектескенін атап өтті.
«Қазақстандық метро жолаушыларға немқұрайлы қарайды. Менің ойымша, егер адамдар араласып, көмектессе, мұндай жағдай болмас еді. Бұл бәрімізге, метро қызметкерлеріне, Қазақстан азаматтарына қатысты дабыл. Бұл бір-бірімізге мұқият болуымыз қажет екенінің белгісі», - деді Омбудсмен.
@halyk_partiyasy
