Мәжіліс күзет қызметі туралы заңнамаға өзгерістер енгізуді бірінші оқылымда мақұлдады. Бұл құжат қаруды сақтау және қолдану тәртібін реттейді және күзет қызметтерінің сапасын арттыруға бағытталған.
Енді күзет агенттіктері өз қызметін тоқтатқан жағдайда, қаруды және оған қатысты патрондарды ішкі істер органдарына 15 жұмыс күні ішінде тапсыруға міндетті болады.
Қару иелері азаматтық және қызметтік атыс қаруын бақылау мақсатында ату сынағынан өткізу үшін тапсыруға міндеттеледі. Алынған деректер мемлекеттік оқ пен гильза базасына жіберіледі. Бұл ережелерді бұзғандарға жаза қарастырылған. Жұмыс тобының жетекшісі, Қазақстан Халық партиясы парламенттік фракциясының жетекшісі, ҚР Парламенті Мәжілісінің депутаты Магеррам Магеррамовтың айтуынша, сынақтық оқ ату үшін қару-жарақ қамтамасыз етілмеген немесе уақтылы берілмеген жағдайда мұндай ұйымдарға бірінші және екінші санаттағы рұқсаттарды беру тоқтатылуы мүмкін. Сонымен қатар, Қарулы Күштер мен құқық қорғау органдарында қызметтегі қару айналымына мемлекеттік бақылау күшейтілуде.
– Жеке күзет ұйымдарының филиалдары мен өкілдіктерінің басшыларына және күзетшілеріне қойылатын міндетті талаптар енгізіледі. Қазіргі уақытта бұл талаптар тек жеке күзет ұйымдарының басшыларына және күзетшілеріне қатысты қолданылады, - деді депутат.
@halyk_partiyasy
.png)
.png)
