Мәжіліс депутаты Ирина Смирнова Қостанайдағы ерекше қажеттіліктері бар балаларға арналған оңалту орталығының жабылуына байланысты тиісті органдарға депутаттық сауал жолдады.
500-ден астам бала, әсіресе мамандандырылған медициналық көмекке мұқтаж балалар қатты зардап шегуі мүмкін, - деп атап өтті мәжіліс өкілі. – Бұл 28 білікті маманды жұмыстан шығаруға әкеледі. Мұндай шешім балалардың құқықтарын қорғаудың және дәрігерлер мен жұмысшылардың еңбек құқықтарын сақтаудың барлық принциптеріне түбегейлі қайшы келеді.
Оның сөзінде балаларды оңалтуға арналған тарифтер жеткіліксіз екендігі және пациенттердің сапалы қызметтерге қол жеткізуін қамтамасыз ету үшін бұл мәселені пысықтау қажеттігі айтылды. Депутат Смирнова балалардың денсаулығы мен әл-ауқатына төніп тұрған зардаптарға назар аудара отырып, орталықты жабу туралы шешімді қайта қарауға шақырды.
@halyk_partiyasy
