Қазақстан Халық партиясының ұйымдастыруымен Қызылорда қаласындағы М.Қалауов атындағы өнер мектебінде Әбдіжәміл Нұрпейісовтің шығармаларына үздік иллюстрация салу байқауы өтіп жатыр.
Әбдіжәміл Нұрпейісов – ХХ ғасырдағы қазақ және әлем әдебиетіне баға жетпес үлес қосқан қаламгер. Оның шығармалары әлемнің бірнеше тіліне аударылған. Біртуар жазушының еңбектері бүгінде жас суретшілерге шабыт сыйлауда. Мәселен, сондай жас суретшілердің бірі жазушының шығармашылығымен жақында ғана танысқан.
– Біздің іс-шараларымыздың негізгі мақсаты – оқырмандар арасында Әбдіжәміл Нұрпейісовтің шығармаларын дәріптеу, - деп атап өтті ҚХП өңірлік филиалының өкілдері.
Байқау көрнекті қазақстандық жазушының 100 жылдық мерейтойына арналған «Теңдесі жоқ кемеңгер жазушы» акциясы аясында өтіп жатыр. Іс-шараның қорытындысы 24 қарашада шығады. Жеңімпаздар грамотамен және естелік сыйлықтармен марапатталатын болады.
Аталмыш шығармашылық байқау жазушының туған жері – Қызылорда облысында ҚХП ұйымдастырған мәдени-ағартушылық іс-шаралар сериясының бір бөлігі ғана. Бұдан бөлек, акция аясында ұлы жазушының гуманитарлық идеяларын жас ұрпаққа жеткізу мақсатында кітап көрмелері, әдеби қойылымдар, мектептер мен кітапханалардағы тақырыптық кездесулер өткізілуде.
@halyk_partiyasy
