Қазақстан Халық партиясы Қазақстанның көрнекті жазушысы Әбдіжәміл Нұрпейісовтің 100 жылдығына арналған «Теңдесі жоқ кемеңгер жазушы» атты акциясын жалғастыруда. Науқан аясында классиктің туған жері Қызылорда облысында ҚХП жергілікті филиалы мәдени-танымдық іс-шаралар кешенін: кітап көрмелері мен шығармашылық байқаулар ұйымдастырды.
Сондай көрмелердің бірі Қызылорда қаласы орталық кітапханалар желісіне қарасты №18 кітапханада өтті. Оған №197 мектеп оқушылары мен мұғалімдері қатысты. Шараны ұйымдастырушылар қатысушыларға қазақтың кемеңгер жазушысының өмірбаянын, оның шығармалары мен кітаптарында терең суреттелген гуманизм идеялары жөнінде айтып берді.
Сонымен қатар, М.Қалауов атындағы қалалық өнер мектебінде Әбдіжәміл Нұрпейісовтің шығармаларына арналған үздік иллюстрацияларға арналған шығармашылық сурет байқауы жалғасуда. Қазақ классигінің шығармалары жас суретшілерге шабыт көзі болды. Байқау 3 қарашаға дейін жалғасады, оның қорытындысы 24 қарашада жарияланады.
@halyk_partiyasy
