Қазақстан Халық партиясының депутаттары Қаржы нарығын дамыту және реттеу агенттігін тұрақты табысы жоқ студенттерге несие беруді шектеуге шақырды.
Мәжіліс депутаты Ирина Смирнованың айтуынша, әсіресе микроқаржы ұйымдарында студенттерді несиелеу өңірлерде үлкен проблема болып табылады. Студенттер, әсіресе басқа қаладан келгендер, қарызды уақытылы өтей алмайды, кейін толық жұмыс күніне жұмысқа орналасу және қарыздарын өтеу үшін оқуды тастауға мәжбүр болады.
– Депутаттар банктер мен МҚҰ-ны қарыз жүктемесінің коэффициентін сақтауға міндеттеуді ұсынды, - деп түсіндірді Смирнова. - Оған сәйкес, аударымдары бар ресми табыс көздері расталған жағдайда ғана несие алуға болады.
Мәселе мынада, Агенттік студенттік стипендияны да тұрақты табыс көздеріне жатқызады. Депутат бұл мәселе бойынша ведомствоның пікірін нақтылауды өтінді.
Агенттік басшысы Мәдина Әбілқасымова статистикаға сілтеме жасай отырып, жастар арасындағы проблемалық берешектің өскенін толығымен растады. Бұл тіркелген жағдай, сондықтан, қаңтар айында ресми расталған табысы жоқ жастарға несие беруді шектеу шаралары қабылданған. Енді мұндай расталған табыстың стипендия, жалақы және тасымалдаудан түсетін табыс секілді үш түрі ғана есептеледі.
– Стипендия тұрақты емес, бірақ ресми табыс болып саналады, - деп нақтылады Әбілқасымова. - Сондықтан біз оны міндетті түрде есепке алуымыз керек.
Агенттік басшысы ұсынылған түзетулер оң нәтиже беретініне сенімді. Ал олай болмаған жағдайда, қосымша шаралар қабылданатынын мәлімдеді.
@halyk_partiyasy
