Қазақстан Халық партиясы парламенттік фракциясының жетекшісі Магеррам Магеррамов жаңа Су Кодексінің жобасын сынға алды. Депутат Мәжілістің жалпы отырысында жасаған шолуында күтілетін өзгерістерге қарамастан, құжатта көптеген мәселелердің қамтылмағанын атап өтті.
Су нысандарын сақтау және қалпына келтіру бойынша нақты мақсаттар жеткіліксіз, - деп атап өтті Магеррамов. – Мәселен, Іле, Нұра, Жайық және т.б. өзендерде аса маңызды шараның бірі - Су ресурстарының сапасын бақылаудың, қалпына келтірудің және қолдаудың нақты тетіктерін орнату.
Мәжіліс депутаты жобада су қорын қорғау және пайдалану саласындағы инновацияларды ынталандыру бойынша шаралардың жоқтығына тоқталды. Магеррамов жаңа технологияларды енгізу және тиімді шешімдерді әзірлеу мен енгізуге индустрия, ғылыми қоғамдастықтар мен коммерциялық емес ұйымдардың белсенді қатысуы қажеттігін де атады. ҚХП фракциясы сондай-ақ мемлекеттік бюджеттен және қарыз қаражатынан сумен жабдықтау және су бұру саласындағы қаржыландырудың басым болуымен келіспейтінін білдірді. Фракция басшысы сыртқы ресурстар мен кәсіпорындардың қаржылық тұрақтылығы арасындағы теңгерімнің маңыздылығын, сондай-ақ қарыздардың тиімділігін бағалау және оларды уақытылы өтеу қажеттігін атап өтті.
Сонымен қатар, депутат су қоймаларын қауіпсіздік деңгейі бойынша нақты шектеудің жоқтығына алаңдаушылық білдірді.
Адамдар, балықтар мен өсімдіктер үшін қауіпсіз су айдындары мен пайдалануға шектеу қойылатын су айдындары арасындағы айырмашылықтарды анықтау қажет, - деп нақтылады ол.
Өз сөзінің соңында М.Магеррамов Үкіметті жұртшылық пен сарапшылардың қатысуымен экология талаптарына да, техникалық-экономикалық орнықтылыққа да жауап беретін теңгерімді әрі тиімді құжат жасау үшін Су Кодексінің жобасын түбегейлі пысықтауға шақырды.
@halyk_partiyasy
