Қазақстан Халық партиясы Алматы облысының Талғар ауданында кезекті аудандық филиалын ашты. Тәжірибелі әрі беделді қоғам қайраткері Рафаэль Гайтинов ҚХП өкілдігінің төрағасы болып тағайындалды.
Кеңсенің ашылу салтанатына партияның Орталық аппаратының өкілдері, ҚХП Алматы облыстық филиалының басшылығы, жергілікті атқарушы органдар мен Ардагерлер кеңесінің өкілдері, сондай-ақ ауданның қоғам қайраткерлері қатысты. Ашылу салтанаты барысында партияның жаңа мүшелеріне партия билеті табысталды.
– Біз кәсіпкерлердің, медицина қызметкерлерінің, жұмысшылардың және жалпы мүдделі азаматтардың партия қатарына қосылып жатқанына қуаныштымыз. Талғар ауданында филиалдың ашылуы – жергілікті тұрғындардың әлеуметтік әл-ауқатын жақсартуға, өзекті мәселелерін шешуге жасалған тағы бір қадам, – деді Орталық аппарат өкілдері.
Жиыннан соң өкілдікте азаматтарды қоғамдық қабылдау өтті. Талғарлықтар инфрақұрылымның тозығы жеткеніне, коммуналдық қызмет бағасының қымбаттағанына, тұрғындардың түрлі әлеуметтік мәселелері бойынша шағымданды.
– Барлық өтінішті мұқият тыңдап, әрбір мәселе бойынша шешімдер ұсынылды. Көтерілген мәселелер партияның қатаң бақылауында болады, – деді Рафаэль Гайтинов.
Партия мүшелері Талғар ауданы әкімінің орынбасары Айбек Бидаевпен де кездесті. Кездесу барысында өзекті әлеуметтік-экономикалық мәселелерді шешудегі ынтымақтастық перспективаларына ерекше назар аударылды.
@halyk_partiyasy
.jpg)
.jpg)
.jpg)
