"Қауіпсіз мектеп" акциясы аясында Қазақстан Халық партиясының өкілдері Талғар ауданы Бесағаш ауылының № 29 мектебінде сумен жабдықтау бойынша күрделі мәселелер барын анықтады.
Бесағаш ауылы Алматыдан небәрі 10 шақырым жерде орналасқан. Алайда, бұл мәселенің шешім таппай келе жатқанына 20 жылға жуық уақыт өткен. Сумен жабдықтау жүйесі бір жеке меншік иесінен екіншісіне өтіп үнемі айналымда жүреді. Өткен ғасырдың 60-жылдарында салынған құбырлардың 90%-ы тозған. Жауапкершілікке алған иелерінің ешқайсысы жөндеу жұмысын жүргізбеген. Ал мемлекет бөлген ақша құмға құйған судай болып ағып кетті. Биыл жағдай шегіне жеткенде жергілікті атқарушы органдар ауыл тұрғындарына жаңа су магистралін салып береміз деп уәде берген. Бірақ, құр уақыт созудан басқа ештеңе жасалмады.
Әлеуметтік шиеленіс сейілді. Алайда, жергілікті №29 мектепте әлі күнге өркениеттен құр қалып отыр. Мектеп 980 оқушыға есептелгенімен, онда 1600 оқушы оқиды. Су құбыры жұмыс істемейді, сәйкесінше, дәретхана далада орналасқан.
@halyk_partiyasy
