19 қазанда Қазақстанда Құтқарушылар күні – өрт сөндірушілер, азаматтық қорғаныс қызметкерлерінің және суда құтқару қызметтерінің кәсіби мерекесі аталып өтеді.
Қазақстан Халық партиясы табиғи апаттарға қарсы тұрып, техногендік апаттарды жойып, азаматтарды төтенше жағдайлардан қорғап, ел тыныштығы мен амандығын күзетіп жүрген азаматтарды шын жүректен құттықтайды.
Қызметтік борышты абыроймен атқару, кез келген қауіп-қатерге дайын болу – төтенше жағдай қызметкерлерінің басты міндеті. Сондықтан да бұл қызмет ерлік, батылдық және жауапкершілікті қажет етеді.
Кәсіби мерекеге орай сіздерге шын жүректен алғыс білдіреміз. Ерен еңбектеріңізді жоғары бағалай отырып, ел игілігі жолындағы қызметтеріңізге сәттілік! Жауапкершілігі мол қызмет жолын ары қарай да абыроймен атқара берулеріңізге тілектеспіз.
Сіздерге зор денсаулық, отбасыларыңызға бақ-береке, қуаныш пен амандық тілейміз!
Қазақстан Халық партиясы
@halyk_partiyasy
