Татуласуға бола ма, жоқ па?

Мәжіліс бірінші оқылымда әйелдер мен балалардың құқықтары мен заңды мүдделерін қорғауға бағытталған заңнамалық түзетулерді мақұлдады. Қазір жаңа нормаларды қолданыстағы заңнамамен біріктіру бойынша күрделі жұмыс күтіп тұр.

Ең алдымен, жаңа құжат денсаулыққа жеңіл зиян келтіргені үшін қылмыстық жауапкершілікті қалпына келтіреді. Бұл жерде жазалаудың ауқымы кең, айыппұлдан, қоғамдық жұмыстардан және тұтқындаудан басталып, ең күрделі жағдайларда 2 жылға дейінгі мерзімге түрмеде отыруға дейін барады. Кәмелетке толмаған адамды не дәрменсiз жағдайдағы адамды азаптағаны үшiн қылмыстық жауаптылық қатайтылады. Ол үшін бостандықты баламалы түрде шектемей, жай ғана отырғызылады. Жас баланы өлтіргені не жыныстық қанынас жасағаны үшін «өмір бойына бас бостандығынан айыру» ретінде баламасыз жаза шарасы енгізіледі.

Бұл жерде отбасылық-тұрмыстық қатынастар саласында құқық бұзушылық жасаған адамдардың мінез-құлқына ерекше талаптарды қолдану тәртібі регламенттеледі. Татуласуға бір рет қана және тек сот арқылы мүмкіндік болады.

Алайда, іс жүзінде бәрі де оңай емес екені белгілі болды. Қазақстан Халық партиясы парламенттік фракциясының басшысы, Мәжіліс депутаты Магеррам Магеррамов атап өткендей, бұл мәселені қолданыстағы қылмыстық заңнамамен келістіру қиын. ҚР ҚК 68-бабында қылмыстық жауапкершіліктен босату бойынша бірқатар тармақтарды, бірқатар жағдайларда татуласу және медиация арқылы бірқатар тармақтарды атап көрсетеді. Кейде, тіпті ауыр қылмыс туралы сөз болса да, зардап шегуші тірі қалып, ал қылмыскер залалды өтесе, татуласудың мүмкіндігі бар.

– Бұл жағдайда 68-бап қалай қолданылатынын нақтылап айтсаңыздар? - деп сұрады Магеррамов. – Қарама-қайшылық болмай ма?

ІІМ вице-министрі Игорь Лепеха түсіндіріп өткендей, әзірге мәселе тұжырымдамалық тұрғыда талқыланып жатыр және негізінен әңгіме қылмыс туралы емес, теріс қылық туралы болып отыр. Қалған сұрақтар бойынша екінші оқылымға дейін жұмыс топтарында жұмыс жүргізіледі.