Жамбыл облысы Байзақ ауданында Қазақстан Халық партиясының аудандық өкілдігінің салтанатты ашылуы өтті. Оның төрағасы болып азаматтық белсенді Арман Мұрзағалиев тағайындалды. Партия мүшелері ҚХП-ның жаңа филиалының ашылуы партия қызметін жергілікті жерлерде дамытуға және облыс тұрғындарымен диалогты нығайтуға оң қадам болатынына сенімді.
Шара барысында партия қатарына жаңадан қосылған пікірлестерге партия билеттері табысталды.
«Бұл азаматтар – әлеуметтік әділеттілік құндылықтарын ұстанатын және партияның бастамаларын қолдап, қоғам игілігі үшін жұмыс істеуге дайын адамдар. Біз күш біріктіре отырып өңірдің дамуына, оның тұрғындарының жағдайын жақсартуға үлес қоса алатынымызға сенімдіміз», - деп атап өтті Арман Мұрзағалиев.
Жаңа кеңседе Байзақ аудандық өкілдігінің басшылығы ҚХП Орталық аппаратының қызметкерлерімен бірлесіп, азаматтарды қоғамдық қабылдау өткізіп, оның барысында жергілікті жердегі өзекті мәселелерді талқылады.
Мәселен, партияға Байзақ ауылының 200-ден астам тұрғынынан С.Абланов атындағы орта мектепке қосымша ғимарат салу туралы өтініш келіп түсті. Сметалық сыйымдылығы 480 оқушыға есептелген мектеп 1972 жылы салынған. Қазір мұнда 1000-нан астам оқушы оқиды және орын тапшылығы қатты сезілуде. Жағдайды талқылауға ішкі саясат бөлімінің, аудандық білім бөлімінің өкілдері, Байзақ ауылының әкімі, мектеп басшылығы мен ұстаздар қауымы қатысты.
«Қазақстан Халық партиясы бұл мәселені қатаң бақылауға алды. Біз мәселені тез арада шешуге және өскелең ұрпақтың лайықты білім алуына жағдай жасау үшін жан-жақты қолдау көрсетуге дайынбыз», - деді партиялықтар.
@halyk_partiyasy
