Сенат халықтың көші-қоны және қылмыстық-атқару жүйесі мәселелері бойынша заңнамаға өзгерістер енгізетін құжатты жетілдірді. Мәжіліс жаңа редакциямен келісті. Бұл туралы жалпы отырыста Қазақстан Халық партиясы парламенттік фракциясының жетекшісі, депутат, Сот-құқықтық реформа комитетінің хатшысы Магеррам Магеррамов хабарлады.
Сенаторлар ұсынған барлық өзгерістер мен толықтырулар мұқият қаралды. Атап айтқанда, жоғарғы палата депутаттары пенитенциарлық жүйе мекемелеріндегі бейнебақылау жүйелерін қасақана жойғаны немесе зақымдағаны үшін ғана емес, тергеу изоляторлары мен УҰИ-дағы осыған ұқсас қылмыстар үшін де қылмыстық жауапкершілікті енгізуді ұсынды.
– Бұдан басқа, Сенат депутаттары жазаның баламалы түрлерін болдырмайтын түзетулерді, сондай-ақ нақтылау сипатындағы түзетулерді енгізуді ұсынды, - деп атап өтті Магеррам Магеррамов.
Мәжіліс депутаты сенаторлар енгізген түзетулер мен толықтырулар Мәжіліс қабылдаған заңның жалпы тұжырымдамасын өзгертпейтінін атап өтіп, әріптестерін жаңа нормаларды қолдауға шақырды. Палата «жақтап» дауыс берді!
@halyk_partiyasy
