Мәжіліс бірінші оқылымда «Педагог мәртебесі және білім беру мәселелері туралы» заң жобасын мақұлдады. Құжатқа Парламент депутаттары ҚР Президенті Қасым-Жомарт Тоқаевтың мұғалімдердің құқықтары мен мүдделерін заңнамалық деңгейде қорғауды күшейтуге бағытталған тапсырмасын орындау мақсатында бастамашылық етті.
Мұндағы негізгі нормалар –мұғалімдердің білім алушылар үшін жауапкершілігін тек оқу үдерісі кезінде анықтау. (Қалған уақытта балаларға ата-аналар жауап береді). Оқытушылардың қағаз және электронды форматтағы есептілікті бір мезгілде жүргізуіне тыйым салынады. Сондай-ақ орта білім беру ұйымдарында ұялы құрылғыларды пайдаланудың бірыңғай ережесі белгіленеді.
Қазақстан Халық партиясының депутаты Ирина Смирнованың пікірінше, жаңа нормалар – бұл тек техникалық түзету ғана емес, сонымен қатар педагог мәртебесін нығайтуға жасалған тағы бір маңызды қадам. Дамыған елдерде мұғалім ерекше функциялардан босатылады және тек баланы оқытумен айналысады.
– Бүгін біз мұны заңнамалық деңгейде қалап отырмыз, – деп атап өтті мәжілісмен.
Мұғалімнің білім алушы үшін жауапкершілік нормасы тек оқу уақытында болуы өте маңызды.
– Мұғалім объективті түрде әсер ете алмайтын нәрсеге жауапты болмауы керек, – деп атап өтті И.Смирнова. – Бала үшін сабақтан тыс уақытта тек оның ата-анасы ғана жауапты болуы тиіс.
Мектептерде мобильді құрылғыларды пайдалану ережесін енгізу өте өзекті. Көптеген елдерде гаджеттерге шектеу қою тәртіп пен үлгерімді жақсартуға оң әсер еткен.
– Заң жобасында қаралатын нормалар білім беру сапасын және педагогикалық жұмыстың беделін арттыру бойынша мемлекеттік саясатты нығайтуға мүмкіндік береді, – деп түйіндеді Ирина Смирнова. – Мықты ұстаз – мықты мемлекеттің негізі. Бүгін біз осы үшін декларативті емес, нақты жағдай жасауымыз керек.
@halyk_partiyasy
.jpg)
